မောင်ဝါဝါနှင့် သိခြင်းဒုက္ခများ
(၁)
- သူရဿဝါ -
မိုဘိုင်း ဖုန်းလေးတစ်လုံး ရှိတာ တော်တော်ကို
အဆင်ပြေလှသည်။ “တယ်လီဖုန်း ဆက်သွယ်မှု လိုင်းများ မအားလပ် သေးပါသဖြင့် ခေတ္တ စောင့်ဆိုင်းပြီးမှ
ပြန်လည် ခေါ်ဆိုပါရှင်” ဆိုတာမျိုးက လွဲရင်ပေါ့။ အဲဒါကတော့ တော်တော်ကို အဆင် မပြေလှ။
မသကာ .. “ခေတ္တ စောင့်ဆိုင်းပြီးမှ ပြန်လည် ခေါ်ဆိုပါ ခင်ဗျာ” ဆိုလျှင် ဟုတ်တုတ်တုတ်။
တခါတလေ လောက်တော့ ယောကျာ်းလေး အလှည့်ပေး ပြောသင့် တာပေါ့နော့။ ဟုတ်တယ်လေ … ယောကျာ်းလေးချင်း
ဆိုတော့ ညှိရနှိုင်းရ ပိုအဆင်ပြေ နိုင်တာပေါ့၊ မဟုတ်ဘူးလား။ ဒါ .. ပြောတာပါ။ တခြား မပြောပါဘူး။
ထားပါ .. ဒါတွေက အပရိက။ ခုနက စကားကို ပြန်ဆက်ရရင် ဖုန်းတစ်လုံး ရှိနေတာ အဆင်ပြေသည်။
လူကိုယ်တိုင် မသွားနိုင်သော ကိစ္စများ၊ အချို့ လူမှုရေး ကိစ္စများ အတွက် လေလှိုင်းမှ ပြီးမြောက်
တာဝန်ကျေ နိုင်သော အလုပ်တချို့ကို ထိုင်ရာမထ လုပ်၍ ရတာလည်း တစ်ကြောင်း။ အလုပ်မရှိလည်း
ဒီဖုန်းလေး ရှိနေလျှင် ဖုန်းဖြင့် စာဖတ်ချင်ဖတ်၊ ဂိမ်းဆော့ ချင်လျှင်ဆော့၊ သီချင်း
နားထောင်ချင် နားထောင် လိုက်ဦး .. စသည်ဖြင့် တစ်ကိုယ်ရေ တကာယ အပျင်းပြေ ဖျော်ဖြေ တင်ဆက်
နေ၍ ရသည်ကိုး။
ဒီတော့ မောင်ဝါဝါ့ ဖုန်းကလေးမှာ မောင်ဝါဝါနှင့်
အမွှာညီအစ်ကိုလိုပင် ဖြစ်နေသည်။ တခါတလေ ဖုန်းနှင့် မောင်ဝါဝါက ရင်ချင်းဆက် အမွှာပေါ့
(ဖုန်းကို အင်္ကျီ အိတ်ကပ်ထဲ ထည့်ထားသည့် အခါမျိုး)၊ အဲ .. တခါတလေ ကျပြန်တော့ တင်ချင်းဆက်
အမွှာ ဖြစ်နေပြန်ရော (ဖုန်းကို ဘောင်းဘီ အနောက် အိတ်ကပ်ထဲ ထည့်ထားသည့် အချိန်မျိုး)။
ဖုန်းနှင့် မောင်ဝါဝါ ဘယ်တော့မှ ခွဲလျက် ရှိမနေတတ်။ ကိုယ့်ဖုန်းလေးများ ကိုယ့်အနား
မရှိသည့် အခါမျိုးတွင် ကိန္နရီ ကိန္နရာ တစ်ညတာ ဝေးသဖြင့် နှစ်ပေါင်း ခုနစ်ရာ ငိုကြွေးရသည်
ဆိုတာလောက် နီးနီး မောင်ဝါဝါ ခံစားရသည်။ အပိုပြောခြင်း မဟုတ်။ အဲ .. ဖုန်းကလေး ကိုယ့်အနား
ရှိနေလျှင်တော့ မောင်ဝါဝါ နှစ်ပေါင်း ခုနစ်ရာ ထက်ပင် ပိုမို ခံစားရ တတ်သည်။ ဖုန်းပြောခတွေ
နှိပ်စက်တာကိုး ခင်ဗျ။ မတတ်နိုင် … ချစ်ချစ် မချစ်ချစ် အောင့်ကာ နမ်းရသပေါ့။ ထားပါ
.. ဒါတွေက အပရိက။ ဘယ့်ကလောက် အထိပင် မောင်ဝါဝါနှင့် ဖုန်းအတူတူ ရှိသလဲ ဆိုလျှင် ညအိပ်လျှင်တောင်
အတူတူအိပ်တာ။ မောင်ဝါဝါက ကိုယ့်အိပ်ရာမှာအိပ်၊ သူက မောင်ဝါဝါ့ ခေါင်းအုံး နံဘေးနားမှာ
အိပ်ပေါ့။ ဒါတောင် တခါ .. တခါ သူက ထ, ထပြီး အိပ်မက်ယောင် လိုက်သေးသည်။ ညကြီး အချိန်မတော်
မက်ဆေ့ခ်ျ ဝင်လာတာတို့၊ ဖုန်းဝင် လာတာတို့ ဆိုတဲ့ အခါမျိုး မှာပေါ့။
မောင်ဝါဝါက နည်းပညာနှင့် ပတ်သက်လျှင် သိချင်၊
တတ်ချင် သဖြင့် ဟိုစပ်စပ် ဒီစပ်စပ်၊ ဟိုကလိ ဒီကလိ လုပ်တတ် သေးသည်။ တယ်လီဖုန်း နည်းပညာတွေ
ခေတ်မစားခင် အရင်တုန်းကတော့ ကွန်ပျူတာနှင့် ပတ်သက်ပြီး လေ့လာ လိုက်စား ရသည်ပေါ့။ ဝင်းဒိုး
အိပ်ပြီတို့၊ ဝင်းဒိုး နိုးလာပြီတို့၊ ဝင်းဒိုး ဆဲဗန်းတို့ .. အဲဒါတွေ အကြောင်း ရှာဖွေ
ဖတ်ရှု၊ ဖတ်ပြီးတော့လည်း ဒီအတိုင်း မနေ။ ရှိသည့် မုန့်ဖိုးလေးဖြင့် ခြစ်ကုတ်ပြီး ကြွေးတင်ခံ
ဝယ်ထား ရသော ကိုယ့်ကွန်ပျူတာ ကလေး ကိုပင် အနားမပေး နိုင်လောက်အောင် စပ်းသပ် မွှေနှောက်
နေတတ်သည်။ ဒါပေမယ့် ကွန်ပျူတာ နည်းပညာ ဆိုတာ ကလည်း အလွန်တရာ ကျယ်ပြန့် နက်နဲ လှသည်
မဟုတ်လား။ ဒီတော့ ဘယ်တော့မှ ရှာဖွေမကုန်၊ ဆည်းပူး မကုန်။ ဒီလိုနဲ့ လွန်ခဲ့သည့် တစ်နှစ်၊
နှစ်,နှစ်လောက်က စပြီး မိုဘိုင်းလ်ဖုန်း နည်းပညာတွေ စတင် ခေတ်စား လာသည်။ တယ်လီဖုန်းနှင့်
ပတ်သက်သည့် အသံတွေ ကျယ်ကျယ် လောင်လောင် ထွက်လာသည်။ ဒီတော့ နည်းပညာ လောကထဲ နေ,နေသော
မောင်ဝါဝါလည်း ဘယ်အမေ့ခံ နေလိမ့်မလဲ။ ဟိုစပ်စပ် ဒီစပ်စပ် ဝင်၍ ပါမိပြန်သည်။
