ဝင်ကစွပ်ကဗျာ
- သူရဿဝါ -
ငါက
.... ပင်ကျရွက်ကြွေ
နွေ
.... တစ်ကမ္ဘာထဲမှာ
သာယာနာပျော်မှု
ဝေးမဲ့
ယဲ့ယဲ့လေးတောင်
ပြုံးကြည့်လို့မရဘူး။
ငါကမြစ်သေ
လေလွင့်မယ့်
စိတ်အဟုန်နဲ့
စုန်ဆန်ရုန်းကြွ
ရွရွလေးတောင်
စီးဆင်းလို့မရဘူး။
ငါက
ရွက်ကြွေ … မြစ်သေ
ဝေဒနာအစုအဝေးက
ငါ့စိတ်အနာကို
တဆစ်ဆစ်တူးဆွ
(ကဗျာလည်း
မရေးတတ်ပြန်တော့)
ကူးချထားတဲ့
အကြိုက်ဆုံးကဗျာတွေကိုပဲ
ဆွဲလွဲပြီး
ခံစားလိုက်တော့တယ်။
၁၃ - ဖေဖော်ဝါရီ
- ၂၀၀၈
0 ဦး မှတ်ချက်(များ) ပေးခဲ့:
Post a Comment